རྟེན་འབྱུང་གྲངས་ཀྱི་འཕེལ་འགྲིབ།

 

 

 

 

 

ཐ་སྙད་ཤན་སྦྱར།

ཆ་ཕྲན་བསགས། 微积分 calculus
འཕེལ་བ། 增加 increasing
འགྲིབ་པ། 减少 decreasing
བར་ཁོངས། 区间 interval
འགྲིལ་ཚོགས། 并集 union of sets

སྔོན་ལ་རྩོམ་ཡིག་ ལམ་གྱི་རྣམ་པ་གསུམ། ལ་ཅིག་གཟིགས་དང་། ཆ་ཕྲན་བསགས་ཞེས་པ་ནི་སློབ་ཆེན་གྲངས་རིག་གི་ནང་དོན་ཆེ་གྲས་ཤིག་ཡིན། དེའི་ནང་དུ་གཙོ་བོར་རྟེན་འབྱུང་གྲངས་ཀྱི་རང་བཞིན་ལ་བརྟག་དཔྱད་བྱེད་ཀྱི་ཡོད།

འཕེལ་འགྲིབ་ཀྱི་རྣམ་པར་བརྡར་ཤ་གཅད་རྒྱུ་ནི་ཤིན་ཏུ་གལ་ཆེ་བའི་གནད་དོན་ཞིག་ཡིན། གནད་དོན་དེ་རིགས་མཐོ་རིམ་སློབ་འབྲིང་གི་གྲངས་རིག་ཏུ་མཐོང་རྒྱུ་ཡོད་ལ། སློབ་ཆེན་གྱི་ནང་དོན་ཆ་ཕྲན་བསགས་ཞེས་པར་ཡང་རྟག་ཏུ་མཐོང་རྒྱུ་ཡོད། གལ་ཏེ་རྟེན་འབྱུང་གྲངས་ཤིག་གི་རིས་དབྱིབས་ནི་གོང་ལྟར་ཡིན་ན། ང་ཚོས་དེའི་འཕེལ་འགྲིབ་གནད་དོན་ལ་བརྡར་ཤ་གཅད་ཆོག།

རྟེན་འབྱུང་གྲངས་ཤིག་འཕེལ་བའི་སྐབས་སུ་དེ་ནི་གཡོན་ནས་གཡས་སུ་མཐོ་རུ་འགྲོ་བའམ་ཡང་ན་ཡར་གྱེན་དུ་འཛེགས་པ་ཞིག་ཡིན་པ་དང་། དེ་དུས་ཀྱི་གསེག་ཕྱོད་ནི་ཕོ་གྲངས་ཡིན། འགྲིབ་པའི་སྐབས་སུ་དེ་ནི་གཡོན་ནས་གཡས་སུ་དམའ་རུ་འགྲོ་བའམ་ཡང་ན་མར་ཐུར་དུ་འབབ་པ་ཞིག་ཡིན་པས། དེ་དུས་ཀྱི་གསེག་ཕྱོད་ནི་མོ་གྲངས་ཡིན།

གཡོན་ནས་གཡས་སུ་ནི་གྲངས་རིག་གི་སྤྱིར་བཏང་གོམས་གཤིས་ཤིག་ཡིན། གལ་སྲིད་ང་ཚོར་རི་འཛེགས་གྲོག་མ་ཞིག་ཡོད་པ་དང་དེ་གོང་གི་རི་བོ་དེར་གཡོན་ནས་གཡས་ཀྱི་ཕྱོགས་སུ་འཛེག་པར་ཆ་བཞག་ན།

ཆུ་ཐིག་ལམ་དུ་ནི་འཕེལ་འགྲིམ་གང་ཡང་མེད་པར་འགོ་འཛུགས་སའི་མཐོ་ཚད་ཇི་བཞིན་འགྱུར་བ་མེད་པར་འགྲོ་བ་ཞིག་ཡིན་པ་དང་། གསེག་ཕྱོད་ནི་འགྱུར་བ་མེད་ལ་ཀླད་ཀོར་ (ཐིག་ལེ་) ཡིན།

དཔེ་རིས་སུ་ -3 གྱི་གཡོན་ཡོངས་རྫོགས་དང་ 1 ནས་ 4 བར་དུ་གྲོག་མ་ནི་ཡར་གྱེན་དུ་འཛེག་པ་ཞིག་ཡིན་པས། དུམ་བུ་དེ་གཉིས་ནི་དཔེ་རིས་སམ་ཡང་ན་རྟེན་འབྱུང་གྲངས་དེའི་འཕེལ་བའི་ཁྱབ་ཁོངས་ཡིན། དེ་དུས་ཀྱི་གསེག་ཕྱོད་ནི་ཕོ་གྲངས་ཡིན། འཕེལ་བའི་ཁྱབ་ཁོངས་དེ་ནི་བར་ཁོངས་ཀྱིས་མཚོན་ན་

ལྟར་ཡིན། དེ་ནི་ཚོགས་སྤྱི་གཉིས་ཀྱི་འགྲིལ་ཚོགས་ཡིན།

ད་ལྟ་གྲོག་མ་ནི་དོགས་ཟོན་ངང་ནས་མར་ཐུར་དུ་འབབ་བཞིན་འདུག། རྟེན་འབྱུང་གྲངས་ནི་མར་འགྲིབ་བཞིན་ཡོད། དེ་དུས་ཀྱི་གསེག་ཕྱོད་ནི་མོ་གྲངས་ཡིན། རྟེན་འབྱུང་གྲངས་དེའི་མར་འགྲིབ་པའི་ཁྱབ་ཁོངས་ནི་གཤམ་ལྟར་ཡིན།

འཕེལ་འགྲིབ་གཉིས་ཀྱི་བར་ན་ནི་དམིགས་བསལ་གྱི་ཚེག་གནས་ཤིང་།

འདི་ལྟ་བུའི་ཚེག་ཏུ་གྲོག་མ་ནི་ཡར་འཛེགས་པ་དང་མར་འབབ་པའི་མཚམས་ཆད་ནས་རང་སོར་གནས་པ་ཞིག་ཡིན་པས། དེ་དུས་ཀྱི་གསེག་ཕྱོད་ནི་ཀླད་ཀོར་ (ཐིག་ལེ་) ཡིན། འདི་ལྟ་བུའི་ཚེག་ལ་འཕེལ་འགྲིབ་མེད་དོ།

གྲོག་མས་རྟེན་འབྱུང་གྲངས་ཀྱི་ 4 ནས་གཡས་ཀྱི་ཁྱབ་ཁོངས་ཡོངས་སུ་སྐྱོད་སྐབས་ཡར་གྱེན་དུ་འཛེགས་མི་དགོས་ལ་མར་ཐུར་དུའང་འབབ་མི་དགོས་པས་འཕེལ་འགྲིབ་གང་ཡང་མེད།

དེ་དུས་ཀྱི་གསེག་ཕྱོད་ཀྱང་ཀླད་ཀོར་ (ཐིག་ལེ་) ཡིན། དེར་བརྟེན། འཕེལ་འགྲིབ་མེད་པའི་ཁྱབ་ཁོངས་དེ་ནི་གཤམ་གྱི་བར་ཁོངས་ཡིན།

ཁྱེད་ཀྱིས་གཤམ་གསལ་རིས་དབྱིབས་ཀྱི་འཕེལ་འགྲིབ་ཁྱབ་ཁོངས་གཏན་ཁེལ་བྱེད་དང་།

ཡོང་ཁུངས།

http://www.coolmath.com/precalculus-review-calculus-intro/precalculus-algebra/11-graphing-increasing-decreasing-01

༢༠༡༥ ལོའི་ཟླ་བ་ ༡༠ པའི་ཚེས་ ༢༥ ཉིན།

ལྷག་པ་ཚེ་རིང་གིས་རྩོམ་སྒྱུར་བྱས།

བོད་ལྗོངས་སློབ་གྲྭ་ཆེན་མོའི་རྩིས་རིག་ཚན་ཁག

ཆོག་མཆན་མེད་པར་བརྒྱུད་བསྐུར་བྱས་མི་ཆོག » རྟེན་འབྱུང་གྲངས་ཀྱི་འཕེལ་འགྲིབ།
མཉམ་སྤྱོད།:
ཡག་པོ་འདུག(0) གསོལ་རས་གནང་བ།

དཔྱད་མཆན།སྐུབ་སྟེགས་ཟིན་པ།

  • མིང་། (ངེས་པར་དུ་བྲིས་དགོས།)
  • ཡིག་སྒམ། (ངེས་པར་དུ་བྲིས་དགོས།)
  • དྲ་ཚིགས།

རྩོམ་ཡིག་ཡག་པོ་འདུག་བསམ་ན་གསོལ་རས་ཤིག་གནང་རོགས།

支付宝扫一扫打赏

微信扫一扫打赏